(Last Updated On: 4 月 20, 2018)

從來無諗過買追星儀,覺得又煩又重,諗住影下夏季銀河,唔使搞咁多嘢啦。但上完第一個關於影星課程後,發覺中佐毒,阿sir又有第二個course,話要最好要有追星儀。

咁就立定決心入毒海。最後選擇了中國牌子iOptron 的Skytracker便攜追星儀。

一套連極軸鏡,有上下角度微調,配合app 對極,唔洗理會年份/雙星對極/三星對極,大約1kg重,非常理想。售二千餘元。

記得7月13日係淘寶落單,幾日後就到手。

最深刻的是到手那天唔好天,果晚去佐藍灣半島附近試,戰戰兢兢嘗試用,但果晚起雲,對唔到極,也唔知自己用得啱唔啱。
之後也試過去大坳門試,點知全晚落雨,仲行雷,直到日出先好天,又試唔到。
每次買新器材都係咁,好想心急用但偏偏要等。

最後要去到7月尾才真真正正用這個追星儀拍儀銀河和深空星體(DSO)。


這個追星儀不足之處是用筆芯電用得唔耐,input 得9-12v,一般尿袋唔啱用,不容易才搵到個有12v的尿袋。不過用上尿袋就用成晚都唔怕。

自此之後,這個組合就同我縱橫四海,銀河,深空,彗星...